Kicheko tupu sekta ya benki

Sekta ya benki imeonyesha neema katika robo ya pili ya mwaka huu ambapo kwa mujibu wa taarifa ya fedha iliyotolewa, benki nyingi zimeonyesha ongezeko la amana pamoja na mali.

Kwa maelezo ya taarifa hiyo, mali za Benki ya Taifa ya Biashara (NBC) zimeongezeka kwa asilimia 6.6 huku amana za wateja zikiongezeka kwa asilimia 9.7 na kufikia Sh. 1.37 trilioni. Kwa upande wa Benki ya CRDB, mali zake zimeongezeka na kufikia Sh. 5.92 trilioni kutoka Sh. 5.89 trilioni ya robo ya kwanza. Amana za wateja nazo zimeongezeka na kufikia Sh. 4.33 trilioni.

Vilevile katika taarifa hiyo, benki nyingine ambazo ia zimefanya vziuri ni pamoja na Standard Chartered, Mkombozi, NIC, Benki ya Posta (TPB), Yetu Microfinance, I&M, Equity, Azania; Barclays, Benki ya Biashara ya Afrika pamoja na Amana.

Pamoja na benki nyingi kuonyesha mafanikio, nyingine kama Ecobank, First National Bank (FNM) na Benki ya Maendeleo zimeonyesha upungufu wa mali na amana za wateja.