NMB yafanya uzinduzi wa wiki ya huduma kwa wateja

Benki ya NMB imezindua rasmi wiki ya huduma kwa wateja ikiwa imejikita kuendeleza huduma zake kidigitali. Wiki hiyo huanzimishwa duniani kote ikiwa na lengo la kuboresha huduma za taasisi mbalimbali kwa wateja wao. Kaimu Mkurugenzi wa benki hiyo Ruth Zaipuna amesema NMB imewekeza katika kusogeza huduma kwa wateja kwa kutumia mtandao ili kuwafikia watu wengi zaidi.

“Sasa hivi tua kitengo maalum cha ubunifu kwa hiyo tunaendelea kuja na bidhaa na huduma mbalimbali ili kukidhi mahitaji ya wateja wetu”. Amesema Zaipuna.

Akielezea kuhusu huduma hiyo, Zaipuna amesema kupitia njia ya simu mteja anapata nafasi ya kufungua akaunti na kufanya shughuli nyingine kama mikopo kwa urahisi zaidi. Kaimu hiyo ametoa wito kwa kitengo cha huduma cha benki hiyo kuzingatia huduma kwa kuzingatia weledi kama kaulimbiu yao ya “Excellence Happens Here” inavyosema.

Naye Meneja wa NMB Kanda ya Dar es salaam Badru Idd ametoa wito kwa wateja wa benki hiyo kutumia wiki hii kutoa maoni yao kuhusu huduma.