Rais wa Tanzania Samia Suluhu Hassan amefanya mazungumzo kwa njia ya simu na Rais wa China Xi Jinping ambopo Rais Jinping amemuahidi Rais Samia kuunga mkono jitihada za serikali yake katika utekelezaji wa miradi ya maendeleo.
Rais Jinping ameahidi kuwa China itafungua zaidi soko lake kwa bidhaa za Tanzania pamoja na kuongeza uwekezaji hususani katika sekta ya viwanda.
Nchi hizo mbili zimekubaliana kukuza ushirikiano katika Nyanja za uchumi, utamaduni na ushirikiano wa kimataifa.
Kwa mujibu wa taarifa ya Ikulu, katika mazungumzo hayo, Rais Samia ametoa salamu za pongezi kwa Chama cha Kikomunisti China (CPC) kwa kuadhimisha miaka 100 tangu kuanzishwa kwake na amaahidi kudumisha uhusiano kwa kindugu na kihistoria uliopo kati ya hicho na Chama Cha Mapinduzi (CCM).
Discussion about this post