Pesatu Reporter 
101
Waziri wa Fedha na Mipango Dk Phillip Mpango amesema ingawa Tanzania imeweza kuingia katika uchumi wa kati, umaskini bado ni tatizo nchini.
Dk Mpango alisema hayo Novemba 16 katika sherehe za kuapishwa jijini Dodoma.
“Ingawa tumefanikiwa kuingia uchumi wa kati, kiwango cha umaskini bado kipo juu, wakati wa kampeni za uchaguzi mkuu tumeshuhudia wananchi wetu wakiwa na uhitaji, bado tunatakiwa kufanya kazi kwa bidii kuwanyanyua watu wetu,” alisema waziri Dk Mpango.
Dk Mpango na Prof Palamagamba Kabudi wamekuwa mawaziri wa kwanza kuteuliwa na Rais John Magufuli katika baraza lake jipya la mawaziri na waliapishwa jana jijini Dodoma pamoja na Waziri Mkuu Kassim Majaliwa.
