Athanas Lupatu 
Kikundi cha maendeleo ya wanawake kutoka Kenya (MYWO) kimefanya ziara ya kihistoria nchini Tanzania.
Kikiongozwa na Mwenyekiti wake, Bi. Rahabu Mwikali pamoja na Balozi wa Kenya nchini Tanzania, Mh. Dan Kazungu walimtembelea Mama Maria Nyerere nyumbani kwake Dar es Salaam na kumpatia zawadi mbalimbali zikiwemo picha na mavazi asili.
Wageni wengine waliokuwepo ni Bi. Getrude Mongella ambaye ni mwanasiasa mkongwe Tanzania na alikua Rais wa kwanza wa Pan African Parliament (2004-2009) na Bi. Muthoni Likimani ambaye ni mwanasiasa mkongwe kutoka Kenya.
MYWO kilianzishwa mwaka 1952 kikiwa na lengo la kuhamasisha maendeleo ya wanawake.
Balozi wa Kenya nchini Tanzania, Mhe. Dan Kazungu, akisalimiana na Mama Maria Nyerere wakati wa zaira ya kihistoria yaliyofanywa na kikundi cha Kenya Maendeleo ya Wanawake Organization (MYWO) ambacho kilianzishwa mwaka 1952 kwa ajili ya kuhamasisha umoja na maendeleo ya wanawake, nyumbani kwa Mama Maria Nyerere, jijini Dar es Salaam, hivi karibuni. Aliyeketi kulia ni mwanasiasa mkongwe kutoka kenya, Muthoni Likimani, na wa kwanza kushoto ni mwanasiasa mkongwe wa Tanzania na Rais wa kwanza wa Pan-African Parliament (2004-2009),Gertrude Mongella.
Mama Maria Nyerere (Katikati) akipeana mkono na mwanasiasa mkongwe kutoka kenya, Muthoni Likimani kama ishara ya kumshukuru kwa zawadi walizoleta kutoka Kenya, wakati wa ziara ya kihistoria yaliyofanywa na kikundi cha Kenya Maendeleo ya Wanawake Organization (MYWO) ambacho kilianzishwa mwaka 1952 kwa ajili ya kuhamasisha umoja na maendeleo ya wanawake, nyumbani kwa Mama Maria Nyerere, jijini Dar es Salaam, hivi karibuni. Wa kwanza kushoto ni mwanasiasa mkongwe wa Tanzania na Rais wa kwanza wa Pan-African Parliament (2004-2009),Gertrude Mongella.
