Patricia Richard 
Mkurugenzi wa Bodi ya Mikopo ya Wanafunzi wa Elimu ya Juu, (HESLB) Abdulrazack Badru amesema bodi hiyo imekuja na mfumo mpya wa kielektoniki uliyopewa jina la Goverment Electronic Payment Getway (GEGP) ambao utatumika kulipa madeni ya waliokuwa wanufaika wa mikopo.
Akitangaza mfumo huo Badru ameeleza kuwa mfumo huo utarahisisha uwazi katika ukusanyaji wa fedha hizo na kumuwezesha mdaiwa kulipa mahali popote alipo pamoja na kutoa fursa ya kuongezeka kwa mapato ya bodi hiyo.
“Tumekamilisha utaratibu mfumo wa serikali wa kukusanya mapato (GEPG), mwajiri na wanufaika watatakiwa kujiunga kwenye mfumo huu mpya wa GEPG ili kulipa madeni wanayodaiwa na serikali. Waajiri ambao watashindwa kulipa madeni ya wafanyakazi ambao walikuwa ni wanufaika, tutawaanzishia operesheni maalumu ya kupitia maofisini kwao ili kuwabaini wasiolipa mikopo ya bodi”. Amesema Badru
Akifafanua mfumo huo mpya, Mtaalamu wa GEPG, Baziri Bajunia ameeleza kuwa:
“Mfumo huu umekuwa ukitumika sasa hivi na taasisi nyingi ambazo zinafanya malipo kwa taasisi za serikali, ni utaratibu ambao hata taasisi nyingine za kifedha wanautumia”
