Patricia Richard 
Maneno yana ushawishi mkubwa katika kuhamasisha watu kuendelea kusonga mbele na kutokata tamaa. Kuna wakati unaweza kujikuta umekwama na hujui jinsi gani ya kukabiliana na changamoto zilizopo. Siku zote, kumbuka kuwa changamoto tunazopitia ni sehemu ya maisha yetu na japokuwa zitatupitisha katika wakati mgumu, tunapaswa kuzitumia kujifunza na kuwa bora zaidi ili kuepuka kurudia makosa kwa mara ya pili.
Kila mmoja wetu ana malengo ya ndoto zake lakini licha na kutofautiana, lengo letu wote ni kuendelea kupigania malengo hayo na hatimaye kufanikiwa.
Hizi ni Nukuu/Quotes 20 kutoka kwa watu mbalimbali duniani kuhusu mafanikio. Bila shaka zitakuhamasisha kuendelea kufanya kazi kwa bidii bila kukata tamaa.
NUKUU:
Kisasi kizuri ni mafanikio.
– Frank Sinatra
Fursa zina aibu, zinakusubiri uzikimbilie.
– Reginald Mengi
Ota ndoto kubwa na thubutu kushindwa.
– Norman Vaughan
Hatua ya kwanza ya mafanikio ni matamanio.
– Napoleon Hill
Ili kufanikiwa ni lazima tuamini kuwa tunaweza.
– Nikos Kazantzakis
Mafanikio ni pale ambapo maandalizi na fikra vinakutana.
– Bobby Unser
Anzia ulipo. Tumia kile ulichonacho. Fanya kile unachoweza.
– Arthur Ashe
Kila siku, ninajitahidi kufanya vizuri kuliko nilivyofanya jana.
– Reginald Mengi
Ndoto zetu zinaweza kuwa kweli ikiwa tuna ujasiri wa kuzitimiza.
– Walt Disney
Mtu ambaye hajawahi kufanya kosa hajawahi kujaribu kitu kipya.
– Albert Einstein
Ukitazama kwa karibu, mafanikio ya usiku mmoja huchukua muda mrefu.
– Steve Jobs
Mafanikio huja kwa wale ambao wanafanya bidii kuyatafuta.
– Henry David Thoreau
Huwezi kuvuka bahari kama huna ujasiri wa kuacha kuona ufukwe.
– Christopher Columbus
Mafanikio ni kupita kutoka aina moja ya kushindwa hadi nyingine bila kukata tamaa.
– Winston Churchil
Kufahamu pekee haitoshi, ni lazima tuweke kwenye matendo, Kutamani haitoshi, ni lazima tufanye.
– Johann Wolfgang
Mafanikio si vitu ulivyokamilisha katika maisha yako, ni nini ulichowahamasisha wengine kufanya.
-Unknown (Aliyesema maneno haya hajulikani)
Hakuna siri ya mafanikio, ni matokeo ya maandalizi, kufanya kazi kwa bidii na kujifunza kutokana na kushindwa.
– Colin Powell
Kama unataka kufanya kitu, utatafuta njia. Kama hutafanya hivyo, utatafuta kisingizio.
– Jim Rohn
Siwezi kukupa kanuni ya mafanikio, lakini ninaweza kukupa kanuni ya kushindwa, nayo ni kujaribu kumridhisha kila mtu.
– Herbert Bayard Swope
Mafanikio sio ufunguo wa furaha. Furaha ni ufunguo wa mafanikio. Kama unapenda unachofanya, utafanikiwa.
– Albert Schweitzer
