Pesatu Reporter 
Rais wa Tanzania Samia Suhulu Hassan amesema awamu ya pili ya filamu ya kuonesha utalii wa Tanzania inakuja.
Rais Samia amesema “ndugu zangu nilipokuwa nazindua ile filamu ya Royal Tour pale Arusha nilisema kwamba ile ilikuwa phase ya kwanza (awamu ya kwanza) tunakwenda na phase ya pili, waandaaji wameshakuja na plan (mpango) ya phase ya pili na wameipa jina The Hidden Tanzania yaani maeneo mengine ya Tanzania yaliyojificha .”
Amesema filamu hiyo itachukua maeneo hayo yaliyojificha na kuyaonesha kwa ulimwengu kwamba mbali na yaliyooneshwa kwenye Royal Tour bado Tanzania kuna mambo haya.
Filamu ya kwanza ya kutangaza vivutio vya utalii Tanzania ya Royal Tour ilizinduliwa nchini Marekani na kwa Tanzania ilizinduliwa Dar es Salaam, Arusha na Zanzibar.
Inaelezwa kuwa, filamu hiyo imeongeza idadi ya watalii na wawekezaji wanaokuja Tanzania kutoka katika mataifa mbalimbali duniani.
Augost, 2021 Rais wa Tanzania Samia Suluhu Hassan alianza kurekodi kipindi hicho maarafu maeneo mbalimbali ya utalii Tanzania ikiwemo mbuga za wanyama.
