Pesatu Reporter 
120
Sekta ya kilimo cha mboga mboga na matunda ni moja ya sekta zinazokua kwa haraka kwa mwaka. Sekta hii inakua kwa kati ya asilimia 7 mpaka 11 ukilinganisha na ukuaji wa sekta ya kilimo ambayo ni asilimia 4 hadi tano.
Waziri wa Kilimo Hussein Bashe amesema sekta hii inatoa ajira za moja kwa moja au zisizo za moja kwa moja kwa watu takriban I milioni 6.5.
Sekta hii inatajwa kuwa na mvuto kwa makundi ya wanawake na vijana hivyo ni muhimu kwa ukuaji wa uchumi jumuishi. Pia ina fursa ya kukabiliana na utapiamlo.
Waziri Bashe alitaja changamoto kwenye kilimo ikiwemo bei ya mbolea katika soko la dunia ambapo alisema imepanda kwa zaidi ya asilimia 300.
Aidha amesema sekta ya kilimo imeajiri asilimia 62 ya nguvu kazi ya Taifa. Kilimo kinachangia Pato la Taifa kwa wastani wa asilimia 26.8 kwa mwaka.
Kilimo huchangia wastani wa asilimia 65 ya malighafi za viwandani kwa mwaka.
Kilimo hutosheleza mahitaji ya chakula nchini kwa asilimia 100 ambapo uzalishaji wa chakula ni tani Milioni 18, mahitaji ni milioni 13, hivyo ziada ni milioni 5 kwa mwaka.
Kilimo huchangia mapato yatokanayo na mauzo ya nje dola za Marekani bilioni 1..2 sawa na asilimia 19 hadi 20 kwa mwaka.
