Pesatu Reporter 
Shirika la Masoko ya Kariakoo limetangaza kurejeshwa kwa wafanyabiashara 891 sokoni Kariakoo baada ya ujenzi wa soko jipya na ukarabati wa soko kuu kukamilika.
Taarifa ya Manejimenti ya Masoko ya Kariakoo inaeleza kuwa orodha hiyo ina majina ya wafanyabiashara waliokidhi sifa na vigezo.
“Wafanyabiashara wanaodaiwa na Shirika ambao wapo kwenye orodha wanajulishwa kuwa hawatarejeshwa sokoni hadi watakapolipa madeni ya kodi waliyolimbikiza kwa muda mrefu,” inaeleza taarifa hiyo.
Aidha, taarifa imeeleza kuwa Shirika linatoa kipindi cha mwezi mmoja kuanzia Julai 10 hadi Agosti 08, 2024 kwa wadaiwa wote kukamilisha malipo ya madeni huku kwa wale wenye hoja au maoni kuhusu majina yao kutoonekana kwenye orodha ya uhakiki wakipewa muda wa siku tatu kuanzia Julai 11 hadi 13 kuwasilisha madai yao.
Soma: Rais Dkt. Samia aagiza biashara saa 24 soko la Kariakoo
