Dk. Shein apongeza Wizara ya Kilimo

127

Na Mwandishi wetu

Rais wa Zanzibar Dk. Ali Mohamed Shein amepongeza Wizara ya Kilimo, Maliasili, Mifugo na Uvuvi kwa kushirikiana na uongozi wa mkoa wa Kusini Pemba hadi kubaini na kurejesha serikalini mashamba ambayo yalikuwa yanamilikiwa na serikali hapo mwanzo huku akiwaonya watu wote wanaoendelea kuyaficha mashamba hayo kuwa, hatua kali za kisheria zitachukuliwa dhidi yao pindi watakapogundulika.

Dk. Shein ameagiza taratibu na sheria kuchukuliwa bila kujali cheo au wadhifa wa mtu. Pia amewataka viongozi wa mikoa na wilaya kutojiingiza kwenye utetezi wa wafanyabiashara ambao walitakiwa kulipa zao kama alivyoagiza lakini wamekiuka kufanaya hivyo, jambo ambalo linakosesha serikali mapato.

Rais huyo ambaye anahitimisha ziara yake ya kuangalia miradi ya maendeleo visiwani humo pia ameagiza Wizara ya Habari, Utalii, Utamaduni na Michezo kufanya mkutano maalum na viongozi wa mikoa na wilaya zote ili kujadili na kupeana majukumu ya utekelezaji wa utalii kwa wote.