Patricia Richard 
Na Mwandishi wetu
Kundi la vijana wajasiriamali kutoka Singida wanategemea kuanza kusafirisha asali kwenda nchi za Ulaya na Ujerumani. Singida Youth Enterpreneurs and Consultants Cooperative Society (SYECCOS) wamekua katika mazungumzo na wateja kutoka nchi hizo. Mwezi ujao wawakilishi wa wajasiriamali hawa wanategemea kwenda kwenye kongamano la kimataifa nchini Turkey ambapo ndio wanategemea kufikia makubaliano.
Wateja hao kutoka nchi za Ulaya na Ujerumani wanategemea kuagiza karibu tani 50,000 za asali kila mwaka. Kutokana na uhitaji wa bidhaa hiyo, wajasiriamali hao wanaweza kuongeza kiwango cha mavuno yao. Takwimu za mwaka 2015 zinaonyesha kuwa Wizara ya Maliasili na Utalii huvuna tani 34,000 na kusafirisha tani 500 kwa mwaka, wateja wakubwa wakiwa Ulaya,Uarabuni na Marekani.
Tangu mwaka 2013 vijana kutoka Singida wamekuwa wakitoa mafunzo na matokeo yanaonyesha kwamba wanunuaji kutoka Ujerumani na Turkey wameridhika na kiwango cha asali kutoka mkoani hapo. Mazungumzo ya kusafirisha asali ya Singida yalianza tangu 2013. SYECCOS pia watanunua asali kutoka kwa wafugaji wengine wa nyuki ili kuwa na uhakika wa kufikia tani 50,000 zitakazosafirishwa.
SYECCOS wamewekeza Sh 1.5 bilioni katika mradi huu. Miaka ya myuma miradi ya asali Tanzania haikufanya vema kutokana na uwekezaji wa chini lakini msemaji wa taasisi hii Bw. Philemon Kiemi amesema kwamba wana uhakika na ubora ya asali hii kwani imefanyiwa majaribio nchi za nje.Ameongezea kuwa lengo lao kubwa ni kuhakikisha mavuno yanaongezeka kutokana na mahitaji ya soko.
