Patricia Richard 
Waziri Mkuu Kassim Majaliwa ameagiza wakurugenzi wa halmashauri nchini kuhakikisha umeme unafika kwenye vituo vinavyotoa huduma kwa jamii kama vile hospitali na shule. Majaliwa amesema hayo baada ya kuzindua kituo cha kuunganisha umeme wa gridi ya taifa katika kijiji cha Mahumbika mkoani Lindi.
Majaliwa ameeleza kuwa lengo la Rais john Magufuli ni kuwawezesha watanzania kutumia umeme kufanya biashara mbalimbali zikiwemo vinywaji baridi pamoja na saluni ili kukuza uchumi wa taifa. Mbali na hayo, Waziri Mkuu pia ametoa wito kwa wakazi wa mkoa huo kulinda miundombinu ya umeme ili mradi hiyo iwe endelevu na itumike kusaidia jamii.
Kwa upande wake, Mkuu wa mkoa wa Lindi Erasto Zambi amesema uzinduzi wa mradi huo wa umeme ni wa kihistoria na ni hatua kubwa ya maendeleo katika mikoa ya Lindi ya Mtwara.
