Ujenzi wa barabara ya Handeni-Singida kutekelezwa hivi karibuni

Naibu Waziri wa Ujenzi, Uchukuzi na Mawasiliano Elias Kwandikwa amesema ujenzi wa barabara ya Handeni – Kiberashi – Kwamtoro – Singida utaanza muda wowote kuanzia sasa baada ya fedha za kuendesha mradi huo kupatikana. Naibu Waziri huyo amesema hayo Bungeni Dodoma na kuongeza kuwa barabara hiyo ni muhimu sana kwani inaunganisha ukanda wa mashariki, kaskazini, kati na magharibi. Vilevile amesema barabara hiyo inaunganisha mikoa iliyopitiwa na mradi wa bomba la mafuta kutoka nchini Uganda hadi mkoani Tanga hivyo ujenzi huo utasaidia kuinua uchumi kwa kiasi kikubwa.