Dennis Msotwa 
Mkuu wa wilaya ya Muheza Mwanasha Tumbo ameahidi kuwasaidia wanawake walio tayari, katika mchakato wa kuanzisha viwanda vidogo vidogo na vikubwa katika kuyatimiza malengo yao.
Akizungumza juzi mkuu huyo wa Wilaya ya Muheza alisema serikali ya wilaya ya Muheza imeamua kuchukua hatua hiyo ili kuunga mkono azma ya serikali kufikia Uchumi wa kati na Nchi ya viwanda ifikapo mwaka 2025
“Serikali ya awamu ya Tano chini ya Rais John Magufuli imedhamiria na inaendelea kutekeleza mpango wake wa kukuza uchumi kupitia viwanda na wanawake wanapaswa kujitokeza kushiriki katika mpango huu” Alisema.
Pia bi mwanasha alisisitiza kuwa serikali ipo tayari kumuunga mkono mwanamke yeyote atakayejitokeza kujenga kiwanda ili aweze kutimiza azma yake hiyo.
Wakati huo huo mkuu huyo wa wilaya aliwataka wazazi kuhakikisha wanatoa haki sawa kwa watoto wa kiume na wa kike ili kujenga jamii yenye usawa kijinsia.
