Ujenzi ni moja kati ya sekta kubwa nchini Tanzania. Sekta hii imeweza kuajiri watu wengi ambao wamekuwa wakiendesha maisha yao kupitia shughuli hiyo. Zipo shughuli nyingi zinazohitaji ujuzi wa darasani na taaluma ya kutosha ili kuziendesha, lakini ujenzi ni moja kati ya sekta ambayo imeweza kuajiri watu wengi walio wasomi na wasio wasomi. Kitu kikubwa ni kuhakikisha kazi yako inaonekana bora na ya kupendezesha, pia yenye kukubalika kwa maana ya kukidhi viwango.
Yawezekana una mtaji na haujui namna gani unaweza kuwekeza ili mtaji wako ukupatie faida zaidi. Leo tumekuletea fursa kumi za kibiashara zinazopatikana kupitia shughuli au huduma za ujenzi.
Ubunifu wa ramani (Uchoraji) na michoro ya majengo
Soma Pia Ujenzi holela waweka watumishi matatani
Hzii ni moja kati ya fursa ambazo zimekuwa zikiwaingizia watu pesa nyingi sana. Kuna mtu anahitaji kujenga na anatamani kuwa na nyumba yenye ramani nzuri na muonekano tofauti na nyumba nyingine zinazomzunguka basi anahitaji hawa watu. Wachoraji ramani wameweza na na michoro wameweza kufanikisha ujenzi wa miradi mikubwa ikiwemo shule, vyuo, na ofisi mbalimbali za serikali zenye muonekano mzuri na wa tofauti kabisa.
Uuzaji wa vifaa
Shughuli ya ujenzi inahitaji vifaa vya kutosha hivyo kama unaona maeneo uliyopo yana shughuli nyingi zinazohusu ujenzi na una mtaji wa kutosha kuwekeza, ni muda wako kufanya hivyo,. Biashara hii inatajwa kuwaingizia faida kubwa wafanyabiashara.
Ufungaji wa vifaa vya usalama
Biashara hii imekuwa ikikua kwa kasi kubwa hasa katika miji mikubwa kama vile Dar es salaam, Arusha, Mwanza, Tanga, Mbeya na Dodoma. Ufungaji huu unajumuisha, kamera za usalama, uzio wa umeme, uwekaji kengele n.k Watu wengi baada ya kujenga wanapenda kujihakikishia usalama wa kutosha. Hivyo kamera nyingi zimekuwa zikifungwa kwa ajili ya kumwezesha mmiliki wa nyumba kujua usalama wa nyumbani kwake hata anapokuwa ametoka katika maeneo ya nyumba yake.
Soma Pia Ujenzi kuajiri 500 Dodoma
Upakaji rangi na mapambo
Watu wengi wanapenda nyumba zao zipendeze ziwe katika hali ya kuvutia. Rangi inachukua nafasi kubwa katika kupendezesha nyumba. Hii ni fursa ambayo ukiifanya kupitia hiyo utatengeneza pesa nyingi, kikubwa ni ufanisi na ubora katika nyumba taaluma hiyo. Ni jambo la kawaida kwa jirani kumuuliza mwenzake nani kapaka rangi nyumba yako, hivyo ni vema kufanya kazi kwa ubora wa hali ya juu, kwa sababu mteja mmoja anaweza kukuletea wateja kumi lakini pia anaweza kukupotezea wateja kumi. Vivyo hivyo katika upande wa upambaji, uwekaji wa taa nzuri, utengenezaji bustani ni kati ya fursa zinazowaingizia watu pesa.
Uuzaji na usambazaji wa chakula
Ujenzi ni kazi inayohitaji nguvu kubwa hivyo suala la chakula kwa wajenzi linapewa kipaumbele kikubwa. Zipo kampuni za ujenzi ambazo zimekuwa zikiingia mkataba na kampuni za usambazaji chakula ili kuwarahisishia wafanyakazi wao kupata chakula katika maeneo yao ya kazi. Fursa hii ni kubwa endapo utapika chakula kizuri na chenye kuzingatia mazingira ya usafi.
Discussion about this post