Naibu Waziri atoa siku tatu kwa TCB

257

Naibu Waziri wa Kilimo Innocent Bashungwa, ametoa muda wa siku tatu kwa Bodi ya Pamba Tanzania (TCB) kuhakikisha kila mkulima wa pamba mkoani Simiyu anapata mbegu za kutosha. Naibu Waziri huyo ametoa agizo hilo wilayani Bariadi baada ya kukutana wakulima wa zao hilo waliolalamika kutopatiwa mbegu za kutosha kutoka TCB japokuwa tayari msimu wa kilimo umeanza Wakulima hao wamemueleza Naibu huyo kuwa, wanapatiwa mbegu chache kulingana na mahitaji halisi.

“Tatizo letu kwa sasa ni mbegu, hazipatikani kwa wakati, tunapewa chache, mimi nimepata kilo 15 lakini mahitaji ni 50, mwaka huu tumeangaika, tunaomba mbegu”. Ameeleza mmoja wa wakulima hao

Mbali na hayo, Bashungwa amemuagiza Meneja wa TCB Kanda ya Ziwa, Jones Bwahama, kubaki mkoani Simiyu baada ya ziara yake ya siku mbili ili kuhakikisha kila mkulima anapata mbegu za pamba kwa ajili ya msimu mpya wa kilimo.