Home BENKI CRDB yaokoa Benki ya Wananchi Tandahimba

CRDB yaokoa Benki ya Wananchi Tandahimba

0 comment 53 views

Benki ya CRDB imeiokoa Benki ya Wananchi ya Tandahimba (Tanecu) ili isifungwe kwa kuipatia mtaji wa Sh. 3.2 bllioni ili iweze kujiendeshe kwa ufanisi zaidi.

Kiasi hicho cha fedha kimetolewa ili kutekeleza agizo la Benki kuu ya Tanzania (BoT) linalotaka benki za wananchi kuwa na mtaji unaoanzia Shilingi bilioni 2 na zile za taifa kuwa na mtaji kuanzia Sh. 15 bilioni.

Fedha hizo zitakabidhiwa ndani ya kipindi cha miaka miwili baada ya kufanyika kwa makubaliano na utiaji saini chini ya Mkurugenzi Mkuu wa benki hiyo Dk. Charles Kimei ambaye alisisitiza lengo la msaada huo ni kuhakikisha benki hiyo ya wananchi haifungwi bali na itaendelea kutoa huduma kwa wananchi.

Mwaka 2017 CRDB ilijitolea timu ya menejimenti kwenda kuisaidia benki hiyo katika uendeshaji kama moja ya mikakati yao katika kuwafikisha huduma kwa wananchi.

Benki ya wananchi wa Tandahimba ilianzishwa mwaka 2008 kwa mtaji mdogo wa Sh. 500 milioni ambao uliishia kwa kusimika mifumo ya kibenki na kwa kipindi cha miaka saba tangu kuanzishwa wamepata hasara inayokadiriwa kufikia kiasi cha Sh. 1.5 bilioni.

About Us

PesaTu ni kitengo cha habari cha MediaPix ambacho huandika makala za biashara na uchumi wa Tanzania na Afrika Mashariki kwa ujumla. Waasisi wa kampuni wana uzoefu mkubwa kwenye tasnia ya habari na mawasiliano wakiwa kwenye fani hio tangu mwaka 1905.

Editors' Picks

Newsletter