Home BIASHARAUWEKEZAJI Tanzania, Korea kusini kuendelea kushirikiana

Tanzania, Korea kusini kuendelea kushirikiana

0 comment 29 views

Waziri Mkuu wa Tanzania Kassim Majaliwa amewaomba wafanyabiashara wa Korea Kusini kuchangamkia fursa zilizopo kwenye sekta za viwanda na fukwe na kuwekeza. Waziri Mkuu ameyasema hayo alipokuwa akifungua jukwaa la Biashara kati ya Tanzania na Korea Kusini lililofanyika jijini Dar es salaam na kuhudhuriwa na Waziri Mkuu Lee.

 

Majaliwa ameeleza kuwa Tanzania ni moja ya nchi zenye vivutio vingi na vikubwa ,ikiwa ni pamoja na hifadhi za taifa, Mlima Kilimanjaro, fukwe za bahari ya hindi, Ziwa Victoria na Tanganyika. Waziri Mkuu amesema Tanzania imekuwa ikifanya vizuri katika sekta ya utalii na uwekezaji kutokana na uwepo wa amani na utulivu.

 

Kwa upande wake, Waziri Lee ameishukuru serikali ya Tanzania kwa kuonyesha ushirikiano na Korea Kusini na kudai kuwa, ushirikiano huo unaendelea kudumishwa ili uwe wenye tija kwa mataifa hayo mawili. Ameongeza kwa kusema kuwa, Korea Kusini tayari inashirikiana na Tanzania katika nyanja za afya, elimu, sayansi na miundombinu.

About Us

PesaTu ni kitengo cha habari cha MediaPix ambacho huandika makala za biashara na uchumi wa Tanzania na Afrika Mashariki kwa ujumla. Waasisi wa kampuni wana uzoefu mkubwa kwenye tasnia ya habari na mawasiliano wakiwa kwenye fani hio tangu mwaka 1905.

Editors' Picks

Newsletter