Mkuu wa kitengo cha wateja binafsi wa benki ya BancABC, Joyce Malai amesema kuwa benki hiyo imeamua kutoa ofa hadi asilimia 14 ya papo kwa papo kwa wateja wote watakaofungua akaunti za amana na kueleza kuwa, wateja wa benki watakuwa huru kuchangua kupatiwa riba papo hapo, kwa kila mwezi au mwishoni mwa amana huku wakiwa na uwezo wa kuchukua mkopo wa hadi asilimia 80 ya amana waliyonayo.
“Hii ni ofa bora kwenye soko kwa sasa na hivyo tunatoa wito kwa wateja wetu na hata wale wasiokuwa na akaunti kwetu kutumia fursa ya ofa hii ya msimu huu wa sikukuu kwa manufaa yao. Tunathamini jinsi wateja wetu wanavyotuunga mkono na hiyo ndiyo sababu sisi kama benki tumeamua kuwazawadia ofa hii kabambe katika msimu huu wa sikukuu”. Amesema Malai.
Naye Mkuu wa kitengo cha hazina wa benki hiyo, Barton Mwasamengo amesema ofa hiyo itawagusa wateja watakaofungua akaunti za amana za muda maalum na kwamba ofa hiyo itadumu hadi Desemba 31 mwaka huu.
“Kinachotakiwa kufanywa na mteja yeyote ili aweze kujipatia ofa hii nikufika kwenye matawi yetu nchini kote na kufungua akaunti ya amana ya muda maalumu ambapo riba hiyo italipwa papo hapo, lengo ni kukupa uhuru wa kuitumia kwa ajili ya kufanya manunuzi binafsi kama upendavyo ikiwemo kununua zawadi kwa familia au marafiki ili kuwaongezea furaha katika msimu huu wa sikukuu”. Ameeleza Mkuu huyo.
Discussion about this post