Rais Samia kuhutubia bunge kwa mara ya kwanza

254

 Rais Samia Suluhu Hassan atahutubia Bunge la Jamhuri ya Muungano wa Tanzania Alhamisi Aprili 22, 2021.

Spika wa Bunge, Job Ndugai amelitangazia Bunge kuwa Rais Samia atalihutubia Bunge kuanzia saa 10 jioni.

Spika Ndugai amewaagiza wabunge wote walioko nje ya Jiji la Dodoma kurudi na wale wanaotaka kuondoka wazingatie kuwapo kwa shughuli hiyo kwanza.

Rais Samia atalihutubia Bunge kwa mara ya kwanza tangu alipoapishwa kuwa Rais Machi 19, 2021 baada ya kifo cha Rais wa awamu ya tano, John Pombe Magufuli kilichotokea Machi 17, 2021.