Naibu Waziri wa Kilimo Omary Mgumba amesema takribani tani milioni moja na laki tatu za mahindi nchini zimekosa soko baada ya jitihada za serikali kutafuta soko kushindikana na hivyo kupelekea wakulima kupata hasara na kushindwa kurudisha gharama ambazo wamewekeza katika katika kilimo chao.
Mgumba amesema hayo jijini Mbeya katika kilele cha maadhimisho ya siku ya wakulima ya nanenane ambapo baadhi ya wadau wa sekta ya kilimo wametoa wito kwa serikali kuongeza nguvu zaidi katika kutafuta masoko kwani uzalishaji umeongezeka tofauti na miaka ya nyuma kutokana na wakulima kuelimika na kuanza kutumia mbegu pamoja na teknolojia bora za kilimo.
Naye Mkuu wa Mkoa wa Mbeya Albet Chalamila amesema ubovu wa miundombinu ya barabara vijijini unachangia kwa kiasi kikubwa mazao ya wakulima kukosa soko. Naye Naibu Waziri wa nchi, Ofisi ya Rais Tawala za mikoa na serikali za mitaa Joseph Kandege ametoa wito kwa kwa wakuu wa mikoa kutafuta wawekezaji wa viwanda vya kuongeza thamani mazao ili kuwasaidia wakulima kupata masoko kwa bei nzuri.
Discussion about this post