Na Mwandishi wetu
Akiwa mkoani Mwanza, Kiongozi wa Mbio za Mwenge wa Uhuru, Amour Hamad Amour amezindua na kuweka jiwe la msingi kwenye miradi nane ya maendeleo wilayani Misumbwi ambayo thamani yake inafikia Sh. 2.2 bilioni.
Miongoni mwa miradi hiyo ni kiwanda cha kuchakata gesi ya matumizi ya nyumbani, Shamba la kuku la Prime Farm Ltd, barabara ya Lubuga-Mwaniko hadi Mondo na mengineyo. Amour pia ametoa shukrani kwa Rais Magufuli kuendelea kuwapa vijana fursa ya kuwatumikia watanzania.
Baada ya kuzindua miradi hiyo, kiongozi huyo amesema ameshuhudia miradi mbalimbali inayoongozwa na vijana ikiwa katika ubora huku vijana hao wakijituma kama serikali ya awamu ya tano inavyotaka huku akisisitiza kuwa Rais Magufuli hakukosea kuwateua vijana katika nafasi hizo.
Naye Mkuu wa Wilaya ya Misungwi, Juma Sweda pamoja na Mkurugenzi wake Eliurd Mwaiteleke wamepongezwa kutokana na jitihada zao katika kufanikisha sera ya viwanda na kuunga mkono maagizo ya Rais Magufuli.
Discussion about this post