Home BENKI Benki kuu kuunganisha Twiga Bancorp na TPB

Benki kuu kuunganisha Twiga Bancorp na TPB

0 comment 46 views

Msajili wa Hazina Dk. Oswald Mashindano amesema serikali imeandaa mchakato wa kuunganisha benki ya Twiga Bancorp pamoja na Benki ya Posta (TPB) baada ya Twiga Bancorp kushindwa kujiendesha na hata kuwekwa chini ya uangalizi wa Benki kuu ya Tanzania (BoT) tangu mwaka 2016.

Mchakato huo ni utekelezaji wa kauli iliyotolewa na Rais John Magufuli mwanzoni mwa mwezi wa tatu wakati akizindua tawi la benki ya CRDB wilaya ya Chato ambapo alisema kuwa serikali haitatoa fedha kusaidia benki ambayo imeshindwa kujiendesha na badala yake, alizitaka benki hizo ziangalie namna ya kushirikiana na zile ambazo zinajiweza.

Benki ya Twiga iliwekwa chini ya uangalizi wa benki kuu mwaka juzi baada ya kuelemewa na madeni hali iliyopelekea benki hiyo kushindwa kujiendesha na mtaji wake kushuka, hali ambayo ilisababisha amana ya wateja wao kuwa hatarini. Jitihada za BoT kuuza benki hiyo ziligonga mwamba baada ya deni lake kufikia Sh. 21 bilioni.

About Us

PesaTu ni kitengo cha habari cha MediaPix ambacho huandika makala za biashara na uchumi wa Tanzania na Afrika Mashariki kwa ujumla. Waasisi wa kampuni wana uzoefu mkubwa kwenye tasnia ya habari na mawasiliano wakiwa kwenye fani hio tangu mwaka 1905.

Editors' Picks

Newsletter